|
Getting your Trinity Audio player ready...
|
Tout lòt 6 yo, anwetan Ti Chinwa, pa pran lòd nan men pati ki te voye yo a.
1. Laurent Saint-cyr pa gen tan pou chita ak sektè prive ki te voye l la. Li toujou aletranje. Se lè chèk tonbe li prezan. Bon se je wont je li pa bay yon lòt manm prokirasyon pou pran chèk li depoze sou kont li pou li. Madan Manigat te fè kou “sinécure” pou li. Misye pa nan afè peyi ak nou; PWOFITÈ WI FRÈ M!
2. Fritz Jean, bliye wout Montana alevwa ta chita ak ekip sa sou x pwoblèm peyi. Misye mache atè pou l rive kote l ye a, kounye a li met tèt li dwat pou zòrèy li pa tande ni Saindic ni pèp ayisyen. 2 boul grenn li ak pòch li ki bay son bas ou tande a. AWOUSA WI FRÈ M!
3. Régime Abraham pa menm konn kot Olympic Market ye lavil la. C caribbean, fanmi l achte manje. Li pa menm gentan pou sonje si te gen yon sektè ki te voye l. Tèlman lés, makiyaj, debachi pran tèt li. Li se eritye byen san swe. MANFOUBEN WI CHÈF LA!
4. Edgar Leblanc Fils pa konn si li anlè si li atè. Défwa li se jansòt, kite sa. Yon lòt fwa li se obsèvatè krebete. Moun sèten, li retire dat 30 janvye nan kalandriye lakay li, sou telefòn li, emenm nan biwo l. Gwoup 30 janvye ak Gardy se 2 dwat paralèl. Bon nou pa bezwen mande pou li ak pèp la, se lèt ak sitwon. LACH DÈNYE KRI WI FRÈ M!
5. Frinel Joseph, pastè sa manke vire do bay pèp bondye a nan zafè konsèy elektoral ak PM Conille. Legliz lapriyè anpil pou sove nanm pastè a nan mitan gwo flanm lanfè CPT a. Men ou konn Satan pisan. Dr Frinel pa konn s’il pou pèp oubyen si l pou CPT, lesansyèl li jwe “pito m lèd m la”. ENTELIJANNNNNNNNNNNN!
6. Leslie Voltaire, apre Aristide li tande, se Abinader. Tèt li nan men Titid. Grenn li nan men Abinader. Youn ka fèl fou, lòt la ka chatre l. Misye vin dous kou masisi. L ap bat pou fè ladènye. L ap jwe bris. Pèp la se plim poul pou l kontinye boule paske misye gen 2 pè mòpyon nan pwèl li pou l grate. Li pap sonje pèp. NÈG CHATRE A WI FRÈ M!
7. Gérard Gilles, sa li. Ou ta di se pèp ki te kidnape l. Depi l vini an, se revanch. Li san fwa ni lwa. Li pa pè montre talan aloufa li. Fòk li tire sal te peye kidnapè yo. Li vin pa gen etadam sou mwayen pou l jwenn. Si l pa jwenn vyann l ap pran zo. ESKANMÒTÈ WI FRÈ M!
8. Emmanuel Vertilaire, peyizan sa, se tankou esklav nèg zangi a sèvi ak li. Se wòl mach pye li jwe pou ansyen senatè dyòl sirèt la. Se tankou chen ki enstwi. Mèt li fè l bliye si pèp te bal yon misyon espesifik. Se agòch adwat. Menm lokal pati ki te voye l la li pa konnen. C bwote plen kay ledè a. Epi mete yon bando nwa larisi nan je pèp la. MÈTDAM WI FANMI!
9. Smith Augustin, sa menm pran nan mitan 2 tenten. 2 ansyen kolaboratè prezidan Jovenel. Malere sa tounen balon. Pas isi, pas lòbò. Li te manke aprann leson eskanmòtè a. Leson bwote ze tankou rat la. Leson “met sa sou kote pou chèf la”. Eben, misye melanje. MOVE KLAN WI PAPA!
CPT, nouvelle version de G9 an fanmi e alye. Yo pa jwe boul eleksyon, li twò malatchong. C boul “fè tan pase”, boul “gouye nan fènwa” yo jwe. 9 artisans de la destruction, 9 pendules à heure fixe, 9 “kitemelebouda”.
TRANSITION POUR LES NULS, UN LIVRE A ECRIRE.
Yvenert Foeshter Joseph
Gwdqaiihrez4320
